ഒന്നുകില്,
കുത്തുവാക്കുകളുടെ കനത്തപേമാരിക്കിടയില്
ശകാരത്തിന്റെ കാതടപ്പിക്കുന്ന ഇടിനാദം...
അല്ലെങ്കില്,
അവഗണനയുടെ പേടിപ്പെടുത്തുന്ന നിശ്ശബ്ദതയില്
കുത്തിനോവിക്കുന്ന ഏകാന്തത...
ഇവയ്ക്കിടയിലെ
ഗൂഡസ്മിതങ്ങളിലെവിടെയോആയിരിക്കാം
ഞങ്ങളിലെ ഗോപസ്ത്രീകള്
പ്രണയമേഘം തോരാതെപെയ്യുന്ന,
പാട്ടുമണക്കുന്ന,
ഞങ്ങളുടെ രഹസ്യ വൃന്ദാവനം
നിങ്ങളറിയാതെ ഒളിച്ചുവെച്ചത്....
