ഞാനെന്റെ വേദന ചെറുതാക്കി
നിന്നേക്കാള്‍ സന്തോഷിക്കുന്നവരെ നോക്കി ....
നീ നിന്റെസങ്കടം വലുതാക്കി
നമ്മുടെ നോട്ടങ്ങള്‍ മുകളിലേക്കും താഴേക്കും
വഴിമാറിയൊഴുകിയ അതേ ബിന്ദുവിനെ ഖണ്ഡിച്ചുകൊണ്ട്
ജീവിതം പലകുറി നെടുകെയും കുറുകെയും ചിതറിയോടി
ഒടുവില്‍ ....
കഴിഞ്ഞുപോയ വേദനിപ്പിക്കുന്ന ചിന്തകള്‍ക്കുനേരേ
വരാനിരിക്കുന്ന ആകുലതകള്‍ക്കുനേരേ
വാതില്‍ കൊട്ടിയടച്ചുഞാന്‍ തിരിഞ്ഞുനടന്നു
നീയാകട്ടെ ഞാനടച്ചവാതില്‍ തള്ളിത്തുറന്ന്
കത്തിയെരിയുന്ന തീയിലേക്ക്
നറുനെയ്യെന്നപോലുരുകിയൊലിച്ച്
ഒടുവിലനിവാര്യമായൊരാളലിനെ പഴിക്കുന്നു...
ജ്യോതിഷിയെ മാത്രമനുസരിക്കുന്ന നിന്നെ
വേദനിപ്പിക്കാതെ തിരുത്താന്‍ പക്ഷേ,
ദിശാജ്യോതിഷം എന്നൊന്നുണ്ടോ എന്തോ?
