നടന്നു തീർത്ത കനൽ വഴികളിലൂടെയുള്ള
തിരിച്ചു നടത്തം
കുടിച്ചു വറ്റിച്ച കണ്ണീർക്കടലിലേക്കുള്ള
തിരിച്ചൊഴുക്ക്
കടിച്ചു കുടഞ്ഞ ഏകാന്തതയിലേക്കൊരു
തനിച്ചു മടക്കം
എടുത്തെറിഞ്ഞ ഇരുട്ടിന്റെ കരിമ്പടത്തിലേക്കൊരു
നുഴഞ്ഞു കയറ്റം
ആവലാതികളുടെ കെട്ടഴിക്കാനും
ആവനാഴിയിലെ അമ്പുകുലക്കാനും
അരുതുകളെ എറിഞ്ഞുടക്കാനും
പുഞ്ചിരിയോടെ ചേർത്തു പിടിക്കാൻ
നീയില്ലാതായതിൽ പിന്നെ
ഞാനിങ്ങനെയൊക്കെയാണ് ....
ഉള്ളു പൊള്ളിക്കുന്ന ഉച്ചതിരിയുന്നതേ ഉള്ളു
സന്ധ്യയും കഴിഞ്ഞല്ലേ തീരൂ
അസ്വസ്ഥതകളുടെ ഈ തീരാപ്പകൽ ......
No comments:
Post a Comment